Citizens.al

Faqja ëshë në ndërtim

Vetëvrasje nga mikrokreditë, aktivistët aksion te Banka e Shqipërisë: “Sudja 2.0”

Një kredi e vogël e marrë disa vite më parë, çoi drejt flijimit shtetasin Pal Trashaj, i cili i dha  fund jetës duke pirë fotoksinë në dyert e SPAK.   Përmes skemave të mashtrimit, kjo mikro kredi po ia pamundësonte jetesën. Për të denoncuar mashtrimet me mikro kreditë, pasi rasti i të ndjerit Pal Trashaj nuk është i izoluar, aktivistët e Lëvizjes Bashkë mbajtën sot një aksion përballë Bankës së Shqipërisë. Ata e krahasuan skemën e mikrokredive sot me atë të piramidave të 97-ës dhe hapën një banderolë ku shkruhej “Sudja 2.0”. “Ndërkohë që kujtesa dhe plagët e shqiptarëve janë ende të freskëta nga falimentimi i firmave piramidale të vitin 1997, skema të reja piramidale kanë dalë në sipërfaqe”, – thuhet në reagimin e Lëvizjes Bashkë. “Ata që e shtynë qytetarin Pal Trashaj drejt vetëvrasjes, administratorët e kioskës së fajdeve Mikro Kredit Albania, Olsi dhe Ilda Ibro, janë në arrati bashkë me paratë e zhvatura nga mijëra qytetarë. Me siguri të ndihmuar nga ortakët në krye të shtetit”, – deklaroi më tej aktivisti i Lëvizjes Bashkë, Klodi Leka përballë Bankës së Shqipërisë.   Në Maj të këtij viti, Prokuroria e Tiranës arrestoi 5 persona dhe për 4 të tjerë dha masën “arrest shtëpie” për skemën e mashtrimit më kreditë, nga subjektet Micro Credit Albania, ADCA, SHP Zig, FS dhe FLASH. Për Lëvizjen Bashkë qeveria dhe Banka e Shqipërisë, janë përgjegjës për këtë situatë.  “Qeveria shqiptare, e cila përkundër detyrimit ligjor për t’i mbrojtur qytetarët nga abuzimi, është kthyer në bashkëpunëtore dhe shërbëtore të oligarkëve, banditëve dhe fajdexhinjve”, – thuhet në deklaratën e Lëvizjes.   Sipas tyre Banka e Shqipërisë është përgjegjëse, sepse i ka licencuar dhe supozohet t’i monitorojë.  “Çka jo vetëm nuk po ndodh, por ka dyshime serioze se guvernatori i Bankës se Shqipërisë, Gent Sejko, është i përfshirë vetë në to”, – tha më tej Leka.  Lëvizja Bashkë i bëri thirrje organeve të drejtësisë, “në dyert e të cilëve i dha fund jetës një qytetar, t’i thellojnë dhe përshpejtojnë hetimet në lidhje me këto kioska fajdesh dhe zyrtarët e përfshirë në to”. Deri më tani është zbuluar se skemat e mikrokredive kanë mashtruar mijëra qytetarë. Nga hetimet e prokurorisë ka rezultuar se ata përdorën një skemë shtrënguese të kredi-marrjes. U imponohej debitorëve që kishin borxhe të vjetra në banka, të rimerrnin kredi edhe pse nuk kishin mundësi shlyerje, si dhe u bllokonin nga shoqëritë përmbarimore rrogat, pronat, apo makinat.

Regjistrohu në Buletin (Newsletter)

.

Të Fundit

Leave a Reply

Your email address will not be published. Required fields are marked *