“Ne ekzistojmë për të inspiruar kuptimin e botës ndërmjet cilësisë së foto raportimit” kështu nis prezantimi i asaj çfarë është World Press Photo në ueb.
World Press Photo lindi në 1955 nga disa fotoreporterë holandez të cilët nga një platformë kombëtare të fotografisë e shndërruan në një konkurs ndërkombëtarë. Ky mekanizëm u përdor për të paraqitur foto me mesazhe të fuqishme në një ekspozitë të përvitshme.
Ndër vite kategoritë në të cilat grupohen fotot kanë ndryshuar. Fillimisht kishte pak ndarje si Lajme dhe Sport, në 1965 u përfshi kategoria e fotove me ngjyrë, ndërsa kulmi u shënua më 1975 ku u krijuan 10 kategori të ndryshme. Në rastet kur një foto nuk i përmbush kriteret e asnjë nënndarjeje përkatëse atëherë i vendoset një përshkrim i veçante.
Përveç eventit më të rëndësishëm që mbahet në sheshin kryesor Dam në Amsterdam, ekspozita zhvendoset çdo vit në qendra të rëndësishme botërore për tu dhënë mundësinë secilit të shijoj nga afër emocionet që përcjell një shkrepje në fraksion sekondi.
Që nga 6 Shkurti fotografitë fituese për vitin 2019 janë vendosur në Muzeun Historik Kombëtar në Tiranë, ku çdo qytetar mund ta vizitoj falas ekspozitën deri më 26 Shkurt.
Ekspozita ka tërhequr edhe vizitor të huaj ndër ta Avani Ekbote Mahendra nga India.
“Kjo është ekspozita më goditëse që kam parë ndonjëherë. Çdo fotografi duket sikur të flet ty dhe të bën të acarohesh, të bën ndjehesh keq, të lumturon, të bën gjithashtu të kuptosh privilegjet që ke në jetën tënde”, u shpreh ajo për Citizen Channel.
Një ndër fotot fituese është ajo fotografes Yanela Sancheze, foto e cila paraqet një vajzë dy vjeçare duke qarë, pasi familja e saj, migrantë nga Meksika sapo ishin ndaluar në kufirin Amerikë – Meksikë.
Duke iu referuar kësaj fotoje koordinatorja e ekspozitës Vanesa Berisha cilëson: “Shyqyr që kjo goca nuk është ndarë ndonjëherë nga prindërit por ja shikon emocionet në fytyrë, frikën, dhe çdo prind, çdo familjarë e kupton këtë dhembje”.
Ndër tematikat kryesore që ka prekur ekspozita janë emigracioni, ndotja, pabarazia gjinore, cënimi i lirisë së grave në Iran, legalizimi i abortit, skamja, momente të rëndësishme politike etj.
*Citizens Channel/ Elira Kadriu
Drejtor Ekzekutiv
Ka kryer studimet e nivelit master në Gazetari dhe Marrëdhënie me Publikun në Universitetin e Tiranës dhe një sërë trajnimesh mbi gazetarinë inovative dhe menaxhimin e medias në rajon, BE dhe SHBA. Veç eksperiencës 10-vjeçare si gazetar, kryeredaktor dhe producent i podcasteve dhe dokumentarëve, ai është angazhuar si konsulent dhe trajnues i metodave inovative të gazetarisë dhe edukimit mediatik me organizata vendase dhe ndërkombëtare si Thomson Foundation, IREX World, OSCE, EULEX dhe CRD . Prej vitit 2018 është drejtor ekzekutiv i Citizens.al ku udhëheq punën editoriale dhe strategjike të medias.
