Nën akuzën e goditjes për shkak të detyrës dhe kundërshtimit të forcave të rendit, Gjykata e Tiranës të hënën më 20 mars, dënoi me 2 muaj burg tetë studentë të cilët më 2 nëntor 2015 goditën me vezë kryeministrin Edi Rama. Ky dënim mund të konvertohet në 60 orë punë publike.
Tre prej studentëve u shpallën fajtorë për të dyja akuzat, për shkak se arritën të hidhnin vezët në drejtim të kryeministrit, ndërsa pesë të tjerët u shpallën fajtorë vetëm për akuzën e kundërshtimit të forcave të rendit.
Studentët janë: Bora Mema, Anita Lushi, Vitori Çipi, Klodiana Hoxha, Valton Marku, Liri Kuçi, Valton Marku, Dardan Konjufca dhe Durim Jasharaj. Këta tre të fundit janë nga Kosova.
Një ditë pas vendimit të gjykatës Citizens Channel ka biseduar Bora Memën, një prej studenteve të dënuara dhe përfaqësuese e Lëvizjes Për Universitetin. Ajo thotë se vendimi do të apleohet dhe se kundërshtimi ndaj ligjit për arsimin e lartë do të vazhdojë.
[youtube https://www.youtube.com/watch?v=feC9Vb_CWvc&w=560&h=315]
Autor: Amarildo Topi
